منتدي شهد الحروف الادبي .....( عيد الأم )...............بقلم / الشاعر وحيد محروس...........

( عيد الأم )
أي كلام في الحب ياأمي
شوية عليكي ولايكفيكي
وأي ورود وأي غناوي
ماتساوي لمسة من إيديكي
ماأنتي هوايا وإنتي سمايا
وحضنك سكني وشطي عنيكي
وإنتي الغالية مقامك عالي
بتسامحي حتي إللي يعاديكي
قلبك صافي ومليان طيبة
وده من رضا ربي عليكي
وإن ضحيت بعمري عشانك
مش هاأقدر يوم أرضيكي
بأصلي وبأدعي في كل صلاتي
يبارك المولي فيكي ويخليكي
ومهما أزكي ياأمي وأصلي
عمري ماهاأقدر يوم أوفيكي
أمرني ربنا في كتابه أبرك
ولا أقول كلمة أف تأذيكي
ووصى عليكي وطاعته عبادة
لجل تعيشي والحب ماليكي
ومن عطف الوهاب خلي
مفاتيح الجنة تحت رجليكي
بقلمي / الشاعر وحيد محروس