منتدي شهد الحروف الادبي ........( آه يا وطن ).................... بقلم / الشاعر وحيد محروس........................

( آه يا وطن )
آه يا وطن وآه يابلادى 
أنتو ليا السكن والبيت 
وآه يافرحة ودمعة جارحة 
لما ف أحضان أمى اترميت 
وآه ياسنينى ياللي نسيتينى
وزمان ياامان وفين اختفيت
وشوش لعينة وأفعال مشينة
حاسس بالغربة وأنى إنتهيت
نفوس مغلولة وعقول مشلولة
وايادي بتهدم مازرعت وبنيت
وقانون غابة على ناس غلابة
وليه يابن آدم طغيت وافتريت
كان ذنبه إيه طفل خطفوه
وهو شمعة حياة أمه وأبوه
وفرحة بتكبر قدام عينيهم
وعلى كل شيء جميل ربوه
وبنت بتبكى بدمع عينيها
بعد ماسلبم أعز ماليها
وقتلم فيها حلم حياتها
وفرضم عليها سواد لياليها
كان كل آمالها تعيش مستورة
سهرانة بتبكي والدمع كاويها
واللي في لحظة خانه جبان
راجع من شغله ياناس تعبان
علشان ياخد منه فلوس
ونسي إنه فقير غلبان
وكالعادة شوفنا إللى جراله
قتلوه وحرمم منه عياله
بسلاح الغدر بتموت نفوس
وضاع المسكين وسرقم آماله
فى دنيا ديابة بقينا عايشين
ولا بأي أمان بقينا حاسيين
والكل ماشى خايف مرعوب
ولامتى ياناس محناش عارفين
أنا نفسي يوم العاصي يتوب
وكفاية معاصى وخطايا وذنوب
ويعرف إن الرزق لازم جاى
وإن الكفن مالهوش جيوب
وإنه كان عايش نساى
ومفيش مهروب من شئ
مكتتتتتتتتتتتتتتتتتتتتوب

بقلمي / الشاعر وحيد محروس