منتدي شهد الحروف الادبي &((وأنا بين إيديك ))&بقلم / الشاعر وحيد محروس

وأنا بين إيديك 
وأنا بين إيديك بالاقى روحى هايمة ومغرمة فى بحر عينيك 
وأنا بين إيديك بيزيد حنيني ولهفتى واحساسى بيك 
وأنا بين إيديك بيدوب عذابى ولوعتى وخوفى عليك 
وأشوف أحلامي في السما 
طايرة ومتلونة بلون الورود
وابص في عينيك
ألاقى فيهم حب يفوق كل الحدود
واحساسي يناديك
وقلوبنا تعزف بالغنى في لحن الخلود
عشقاك وقلبك شدنى
وهواك فى قلبي ياعمرى مايتنسيش
احضن إيديا وضمنى
ماانا من غيرك ياحبيبى مااقدرش أعيش
غير وأنا بين إيديك
بقلمي / الشاعر وحيد محروس