منتدي شهد الحروف & ....نفس الكلام..... * كلمات/علاء أحمد عبدالنبي *

....نفس الكلام.....
*********
كلمات/علاء أحمد عبدالنبي 
***************
مش هتبطل بقى أحلام 
مش هتسيبك م الأفلام
رايح جاي بتقولي بحبك
وبتعيد نفس الكلام
....نفس الكلام.....
إنت خلاص مش حافظ
غيره...
إنت بتنسى إللى بتقوله
وبترجع تحكيلي علية...
كم قلب قبلي...قولتهوله
كم قلب بعدي...ناوي تخونه
يلا إتكلم ساكت لية.....
عمر ما كان الحب فى كلمة
ولا كان كل الحب كلام
....نفس الكلام....
كل حروف الحب عارفها
لكن قلبك عمره ما شافها
ولا بتحس بحب الغير..
عمر مادوقت الحب وإسمه
إنت بس بتعرف رسمه
ولا كان عندك لحظة ضمير...
وكمان عمرك يوم ما هتعرف
أيوة عمرك يوم ما هتعرف
إن الحب مش بالكلام ...
.....نفس الكلام.....